為食深水埗 -- 好混亂的混亂拉面

  近來天氣寒寒地 ⊙﹏⊙，驅寒最好梗係狂食嘢la~~所以今次手殘女去一間麻甩d的拉面店，大食一番!

  混亂拉面就係西九龍中心對面，鋪面簡約，招牌大大隻日本字，座位對住蒸氣騰騰的廚房，加埋全男班 的拉面師傅，好有豪邁的感覺，果然係【二郎系】的拉面!  ＞▽＜
  

  混亂拉面以野菜量多、叉燒大大片, 湯底肥膩香濃聞名，想挑戰的話仲可以加【背脂先生】(即係豬油膏)同大蒜，挑戰你麻甩的下限!　＼(-o-)／

 朋友點了混亂玉子拉麵加3倍野菜，芽菜多到就來'山泥傾潟' :p。豬骨湯底濃厚油份多，配上曲麵掛湯度高，啖啖入味。大量的芽菜剛好可以中和油膩感，不錯!

  手殘女點了新出的醬油拉麵，湯底較清而充滿醬油的香味，加上清甜的洋蔥粒，鍾意清淡口味的blog 友不容錯過!當然為了貫徹麻甩的作風，大大片五花腩少不了，油脂入口即溶，好好味!

Name ?  混亂拉麵

Where ? 深水埗欽州街52至54號平安大廈地下 (西九龍中心對 面)

好味度 :  ☆☆☆☆☆

環境 :      ☆☆ (座位較窄)

總評 :     好好味的拉面，不妨一試!